讓女人忘記煩惱的方法或許有很多，例如買手袋、煲韓劇、吃甜品、做 Spa、gel 甲、等等，反觀一向花心的男人在這方面卻很專一，最有效的肯定就是女人，特別是那些令男人心癢癢的美女，當男人滿是想著如何去把她弄到手，容量有限的腦袋中之煩惱自然就會不知不覺被刪掉。
雖然這次航程中哈爾仔替我安排了五位衣著性感的旗袍少女作空中服務員，在超級豪華的私人飛機裡，單單看著她們「彳亍（音：切卓）咁轉」的為我送餐侍酒，本應已是一種極富優越感的享受，但我卻始終對冷冰冰的 Iris 最感興趣，就算是面向著我坐的她由起飛以來都對我不甚理睬。
只能說句人當真是犯賤。
不過也難怪 Iris，要知道我臉上仍戴著那個奇醜無比的頭套，她一定會很奇怪為甚麼她英俊高貴的老闆竟會請來一個面目猙獰的賓客？
這刻的我，就算表現出如何的溫文有禮也不會有人欣賞，倒不如肆意地耍無賴更配合這張臉孔與生俱來的猥瑣，尤其當我全程目不轉睛的望著 Iris，她卻擺出一副看我多一眼都想作嘔的嘴臉，令我越來越覺得有趣。
我開始明白日本為何會有那些「美女與野獸」的「AV 系列」了。
Iris 忽然發出兩下不自然的「咳」聲，再道：「黃先生，成個航程只係得兩個鐘頭就要降落，而家都差唔多過咗一半，如果你係要享用哈爾克維斯先生為你揀選嘅呢啲空中服務員，我勸你要抓緊時間喇。」
大概 Iris 實在被我盯得太不自在了，想到利用旗袍少女去「駛」開我，她此言一出，我更留意到正替我收拾用過的午餐之其中一位少女臉色微微一變，隨即向她瞪了一眼，想必是埋怨著為何要提醒我原來這裡是有這種福利的。
我卻繼續色瞇瞇地望著 Iris，笑道：「如果係享用 Iris 你嘅話，我就梗係恨不得而家就開波啦！」
Iris 把臉側向另一面，道：「哈．．．．哈爾克維斯先生．．．．無咁吩咐過我喎．．．．」
「哦，咁都係你老闆吩咐你，叫你講嘢唔好望住我架？」我奇道。
Iris 不情願地把頭轉過來望向我，嗔道：「邊有唔望住你喎．．．．我．．．．我而家咪望住你囉．．．．」
「查實你係咪覺得我好樣衰啫？」我裝認真的追問。
「唔．．．．唔係呀．．．．」Iris 臉有難色，支支吾吾地回答，可見說謊並不是她的強項。
「唔係？咁不如你畀我咀番啖啦？」我輕佻的反問。
Iris 瞪大雙眼，急急搖著頭，嚷道：「都話哈爾克維斯先生無咁吩咐過我喎！」
我「哼」了一聲，再板起臉，提高嗓子道：「咁一陣等我見到你老闆時，我當面問下佢我可唔可以咀下你先，唔好，横掂都係問，直頭問佢可唔可以搵你陪我幾晚添啦，到時你有佢嘅吩咐，我做乜你都會方便啲啦，你話係咪呀？」
Iris 被我作弄得束手無策，當堂滿臉通紅，無助地道：「黃．．．．黃先生，你究竟想點呀？」
我聳一聳肩，故作「易話為」的笑道：「無乜想點，如果你畀我咀番啖，我咪信你真係覺得我個樣無問題囉，我淨係想咁之嘛。」
Iris 皺著眉頭猶豫了好一會，再聲細如蚊的問：「係咪一啖架咋？」
「話咗一啖就一啖啦，出嚟行講口齒架嘛。」我斬釘截鐵地道。
Iris 終於腼腆地點了頭一下。
見狀，我便站起身走到 Iris 的跟前，不慌不忙除下她礙事的黑框眼鏡，然後臉龐靠近臉龐，她滿身散發出水果香甜的香氣就傳進我鼻孔之中，我再用醜陋的鼻尖磨擦在她那吹彈即破的臉蛋肌膚之上，即時令她本身已經難受的表情更扭曲，顫聲道：「你．．．．你係咪咀架．．．．係咀就快啲啦．．．．」
「我要嘅咀，唔係送個女返幼稚園嗰啲 goodbye kiss ，而係真真正正男女之間嘅熱吻，亦即係俗稱嘅『打茄輪』呀。」我頓了一頓，再沉聲問：「如果你真係準備好嘅話，你就攣開口，伸條脷出嚟啦。」
Iris 聽罷，胸口的起伏更不停地加速，一對彈實的乳球將白恤衫撐到了極限，前襟的鈕扣被擠得好像隨時都會爆開似的，雙眼則見我如見鬼一樣般緊緊閉著，如此不願意但仍照著我的指令乖乖張開口，並把香舌伸出，來迎接我下一步的凌辱。
我輕輕笑了一下，拿起眼鏡戴回到 Iris 的鼻樑之上，再道：「你知唔知個嘴係好神聖架？係靈魂同靈魂接觸嘅地方，如果我係你，除非我係自願，否則我寧願死都唔會屈服囉。」說罷，便坐回自己的座位上，舉起面前的高身酒杯，若無其事向著身旁的旗袍少女，笑道：「香吻我就無福消受喇，唯有飲番杯香檳先，靚女，麻煩你添啲畀我啦。」
Iris 茫然地望著我，過了好一會，再整理一下自己的頭髮和衣服，待旗袍少女把一瓶新開的香檳拿來之後，便發出兩下清理嗓子的「咳」聲，又道：「唔該，我都想要一杯。」
餘下的航程，我跟 Iris 沒有再交談，但卻你一杯我一杯的把一整瓶香檳喝光。
與美女喝酒的時間特別易過，飛機很快便到達目的地，並著陸在一條小小的跑道之上，這個時分太陽雖未下山，但包圍著卻是灰灰濛濛的煙霞，在極有限的能見度下只能勉強望到無邊無際的荒蕪，這樣的情況下飛機竟能平安降落，讓我不得不佩服機師的超凡駕駛技術。
我跟著 Iris 步出機艙，見她步履漂浮想必是香檳的酒精在她體內正發揮作用，接著，我們登上一輛早已在旁邊準備好的 Golf Cart，當車子駛進入濃霧之中，近看才發覺原來七零八落的荒野，竟然整齊的排著一列又一列木柱子，十足十墓地一樣。
「呢啲．．．．唔係墳墓嚟嘛？」我脫口驚道。
「嘿嘿，墳墓？你都幾好想像力架喎。」 Iris 笑了一笑，再道：「不過你叫呢啲做墳墓都可以嘅，之不過唔係人嘅墳墓，而係葡萄嘅墳墓囉，而家正值冬季，葡萄園嘅葡萄已經收割晒，淨返嘅枯枝都埋晒土，留低一排一排籬架喺度，望落又幾似墳墓嘅。」
Iris 竟然談笑風生的對我說話，帶著 tipsy 的她，絕對比起清醒時可愛得多了。
我見機不可失，連忙把我心中的疑團問出口：「咁查實家陣我哋係邊呢？」
「呢度係哈爾克維斯先生一個位於法國南部嘅酒莊。」Iris 果然爽快地答。
我因為「紳士禮」的關係才開始研究葡萄酒，比我年輕的哈爾仔卻已擁有屬於自己的酒莊。
車子在沒有葡萄的葡萄園中走了好一會，漸漸看見一座宏偉的古堡從霧裡探出來才停低，下車後繼續由 Iris 引路踏入古堡的內部，再經富麗堂皇的樓梯往下走，來到地牢的一道鋪滿哥德式浮雕的門前，Iris 舉一舉起手示意停步，然後便敲著門，道：「哈爾克維斯先生，黃先生已經帶到嚟啦。」
「入嚟啦！」門後傳來的果然是哈爾仔的聲音，聽罷，我的心不禁安定下來。
這裡始終離斯洛伐克已是千里之外，男男和 Siri 又不在我身邊，哈爾仔就是我唯一認識的朋友了。
Iris 打開門便帶我進內，我隨她身後沿著長長的波斯地毯走，再打量著四周，這個廣闊的地下空間一邊排列著多個巨型的不鏽鋼桶、另一邊則放滿堆成六、七層高的木桶，似乎是一個用來釀酒和貯存陳年佳釀的酒窖，終於在地毯的末端，看到哈爾仔一邊坐在梳化之上，一邊晃動紅酒杯等待著我，一見我來固然是十分高興，但當他留意到 Iris 的臉上一片薰紅之模樣後，當堂大吃一驚，差點將杯中的紅酒也倒了出來，驚訝地問：「Iris，你．．．．你飲醉酒呀？」
被哈爾仔一說，Iris 的臉蛋更紅，像個搗了蛋後被大人發現的孩子一樣，垂著頭低聲道：「我．．．．我喺機上．．．．同黃先生飲咗杯啫．．．．」
哈爾仔長長的「哦」了一聲，便捧腹大笑起來，然後再撥兩下手，忍著笑道：「Iris，唔該晒你將黃先生帶嚟，呢度暫時無你嘅事，你返出去休息下先啦。」待 Iris 退下之後，哈爾仔又再大笑起來，道：「喂，黃仔，我知道你鍾意童顏巨乳，專登搵夠五個嚟服侍你，點知你反而睇中我個木頭助理？」
「木頭？唔係啩，Iris 佢都好靚女吓喎！」我不解的道。
「講靚女邊及得你個 Siri 呀？同埋最重要係 Iris 佢真係又悶又 cool 架，辦事能力雖然好高，但係笑都唔識講一句，成鬼日木口木面，完全同你個 Siri 啱啱相反，咁嘅女靚一靚都無用啦？」哈爾仔呷了一啖紅酒，又道：「老實講，我識佢咁耐都未見佢飲過酒，你短短一程機就隊醉咗佢，黃仔，你真係勁呀！」
我拿起雲石几上那盛滿紅酒的醒酒器，倒了一杯出來，再舉杯向著哈爾仔，笑道：「你個助理啲酒量認真麻麻，係時候由你呢個老闆出馬嚟同我飲番夠本，『紳士禮』終於都完結咗，我同你再唔係對手，我等呢個同你純以老友嘅身分碰杯嘅呢個機會實在太耐啦！」
「講得好！」哈爾仔吐了一句，便和我一飲而盡，放下杯子之後，又道：「同黃仔你飲當然係緊要，不過仲有一件事更加緊要，就係我哋約定咗會將面上嘅面具除落嚟畀對方睇，能夠終於見識到黃仔嘅真面目，呢一刻肯定會係其中一個原因，令到今日成為我一生中最特別嘅一日！」
我點一點頭，然後把杯子放回枱面上，再道：「好，我哋數一二三，就一齊揭開個面具啦。」
哈爾仔伸手到頸側的位置，抓著人皮面具的邊緣，我亦照他一樣準備就緒，隨即一起倒數：「一、二．．．．」
當喊到「三！」，我倆便同時把面上的隔膜拿下來。
（待續）
火一般的卡西 